РЖ Институт е акционерско друштво чија примарна дејност е леење и обработка на технички и уметнички одлеаноци од обоени метали (алуминиумски, бронза, месинг итн). Останати дејности вклучуваат производство на огноотпорни материјали за челичната индустрија, црковни ѕвона и опрема, леење на канделабри, восочни и полиестерни скулптури, трговија, истражувања итн.

Почетоците на РЖ Институт датираат уште во 1967 година, кога се формира и развива во рамките на некогашниот индустриски гигант “Рудници и Железарници- Скопје”. Најпрво била концепирана како една, пред сѐ, научно- истражувачкo одделение за потребите на “Рудници и Железарници – Скопје”, но и за фабриките и рудниците ширум цела Југославија.